من زمان كان نفسي أعرف
هوا أنا قربت أخرف
لما كان حلمي اني ارجع
تاني للزمن الجميل
لكن القدر اللي حاصل
جه شباب ثوار وناضل
رجع الحلم اللي فاضل
في قلوب جيل بعد جيل
كنت قلت خلاص دا واقع
محسوبية ؛ ظلم و مطامع
ناس بتصرخ ولا حد سامع
والفقير همه تقيل
همه كان من فعل سيده
اللي زاد زاده وعبيده
حدد الأنفاس علينا
خلا بكرة مستحيل
قال بيحموا الخير دا لينا !!
حجبوا النور عن عنينا
ناموا على ظهر السفينة
لأ ونومهم كان تقيل
باشكر الثورة اللي كانت
حرة .. طاهرة .. ولا استكانت
بينت معدن شبابها
الأبي .. الحر .. النبيل
حلم غالي وقلوب جريئة
قبلها كنا في ضيقة
بعدها أحلامنا تصحى
ترسم الزمن الجميل
م النهاردة الشمس تطلع
فوق ضمير الحي تسطع
والمعاني الحلوة ترجع
تاني للشعب الأصيل
ماشاء الله كلام رائع جدا
ردحذفومعاني فعلا تكمن في قلب كل فرد مصري...
تمنايتي لك بالتوفق،ولكن حاول الانتباه إلى وزن القصائد،في بعض الأماكن أو القافيات كانت الكلمات تشذ عن الوزن
كلمات جميلة وصادقة .. مبارك عليكم الثورة ومبارك عليكم الانتصار ..
ردحذفسعيدة بمروري هنا وان شاء الله من المتابعين .
دمت بخير اختي العزيزة.
صباح الورد
ردحذفكلمات صادقة وأحساس جميل والأجمل
أن الحلم تحقق لندحض الأسطورة التي
ثبتت الطواغيت كل هذه السنين ...
تحياتي وإحترامي
شكرا لكل من مر هنا وقرأ كلماتي القليلة
ردحذفوعذرا على التأخير في كتابة الرد نظرا للإنشغال
وجزاكم الله خيراومرحبا بكم هنا في أية وقت
دمتم سالمين ،،،